USD : 1.7000 EUR : 2.0551 ARS : 0.0191 TRY : 0.2435

ADBTİA Xocalı soyqırımına həsr olunmuş tədbir keçirdi- Foto


  • Ölkə,
  • 8 ay əvvəl əlavə olunub,
  • 684 dəfə oxunub
ADBTİA Xocalı soyqırımına həsr olunmuş tədbir keçirdi- Foto

26 fevral - Xocalı faciəsinin 29-cu ildönümü ilə əlaqədar Azərbaycan Dövlət Bədən Tərbiyəsi və İdman Akademiyası (ADBTİA) anım mərasimi keçirib.

"Simurq.net" xəbər verir ki, onlayn formatda keçirilən tədbirdə Akademiyanın rektoru Fuad Hacıyev, Akademiyanın Elmi Şura üzvləri, ASAPES-SABAH qrupun tələbələri və tədrisi ingilis dilində aparılan proqramlar üzrə magistrantlar iştirak ediblər.

Akademiyanın Mətbuat xidmətinin rəhbəri, Azərbaycan İdman Jurnalistləri Federasiyasının prezidenti, Əməkdar jurnalist Qabil Mehdiyev açılış nitqində Xocalı soyqırımının Azərbaycan xalqının tarixində ən kədərli günlərindən biri olduğunu qeyd edib.

Əvvəlcə Xocalı faciəsi qurbanlarının xatirəsi bir dəqiqəlik sükutla yad edilib. Tədbirdə Xocalı faciəsinə həsr olunmuş qısametrajlı film təqdim olunub. Sonra söz tələbələrə verilib. Onlar ermənilərin bu qanlı cinayəti haqqında öz fikirlərini bölüşüblər.

Ardınca Akademiyanın rektoru Fuad Hacıyev tələbələrə qanlı yaddaşımız və qəhrəmanlıq tarixi barədə danışıb. F.Hacıyevin Azərbaycan tarixinin keşməkeşli dövrləri barədə faktlarla zəngin söhbətini ADBTİA-nın əməkdaşları və tələbələri böyük maraqla dinləyiblər.

Tədbirin sonunda rektor F.Hacıyev tələbələrin Xocalı soyqırımı ilə bağlı suallarını cavablandırıb.

Elçin Aslanov



Oxşar xəbərlər