USD : 1.7000 EUR : 2.0551 ARS : 0.0191 TRY : 0.2435

Daxili işlər nazirinin birinci müavini hesabat verəcək, hökumət parlamentdə toplanacaq


  • Siyasət,
  • 7 ay əvvəl əlavə olunub,
  • 83 dəfə oxunub
Daxili işlər nazirinin birinci müavini hesabat verəcək, hökumət parlamentdə toplanacaq

Milli Məclisdə bir neçə mühüm sənədin müzakirəsi gözlənilir.

Simurq.net in məlumatına görə, Novruz tətilindən sonra İnsan Hüquqları üzrə Müvəkkilin (Ombudsman) 2020-ci il üzrə məruzəsi dinləniləcək. Sənəd martın 10-da Milli Məclisin İnsan hüquqları komitəsində müzakirəyə çıxarılsa da, hələlik parlamentin plenar iclasında təqdim edilməyib.

Bundan bir müddət sonra isə Hesablama Palatası öz işi barədə Milli Məclisə hesabat verəcək.

Qeyd edək ki, Hesablama Palatası ildə iki dəfə - yaz sessiyasında, aprelin 15-dən gec olmayaraq və payız sessiyasında, oktyabrın 15-dən gec olmayaraq, hesabat verir.

Palatanın sədri Vüqar Gülməmmədov 2020-ci ildə keçirdiyi yoxlamalar barədə məlumatları deputatların diqqətinə çatdıracaq.

İnsan Alverinə Qarşı Mübarizə üzrə Milli Koordinatorun Azərbaycan Respublikasında insan alverinə qarşı mübarizəyə dair illik məlumatı da parlamentə təqdim olunacaq.

Bu, bir qayda olaraq may ayına təsadüf edir. Hesabatı Azərbaycanın İnsan Alverinə Qarşı Mübarizə üzrə Milli Koordinatoru, Daxili İşlər nazirinin birinci müavini, polis general-leytenantı Seyfulla Əzimovun təqdim etməsi gözlənilir.

Daha sonra isə “2020-ci ilin büdcəsinin icrası” haqqında qanun layihəsi müzakirəyə çıxarılacaq. Müzakirələrdə hökumət üzvləri də iştirak edir.


Oxşar xəbərlər