USD : 1.7000 EUR : 2.0551 ARS : 0.0191 TRY : 0.2435

Şamaxı “Nağdsız Azərbaycan” innovasiyalarında liderlik edir


  • Ölkə,
  • 4 ay əvvəl əlavə olunub,
  • 5679 dəfə oxunub
Şamaxı “Nağdsız Azərbaycan” innovasiyalarında liderlik edir

“Mastercard” və “Azər Türk Bank” Azərbaycanın nağdsız cəmiyyətə keçidini dəstəkləməyə davam edən yeni kampaniya başladıb.

Bildiyiniz kimi, ötən ilin avqust ayında texnoloji ödəniş sahəsində pioner şirkət olan “Mastercard”, “Azər Türk Bank”, AR Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi Şamaxı şəhərində ölkədə ilk dəfə olaraq ictimai nəqliyyatda nağdsız ödənişlərin qəbulunu təmin edən layihəyə start verdi. “inkart” layihəsi ölkədə ilk dəfə olaraq ictimai nəqliyyatda “Mastercard” debet və kredit kartları ilə ödəniş etmək imkanı yaradan birgə layihədir.

Bu layihə çərçivəsində yeni kampaniyaya start verilib. 8 fevral 2021-ci il tarixindən 31 mart 2021-ci tarixinədək Şamaxı ictimai nəqliyyatında “Mastercard” və ya inkart kartları ilə ödəniş edənlər üçün sərfəli kampaniya başlayıb. Belə ki, kampaniya şərtlərinə əsasən, Şamaxı ictimai nəqliyyatında (şəhər daxili) qeyd olunan tarix aralığında həftənin bazar ertəsi və cümə günləri sərnişinlər istənilən “Mastercard” və ya “Maestro” kartı ilə ödəniş etdiklərində ilk gedişləri pulsuz olacaq. Başqa sözlə desək, sərnişin həftənin bazar ertəsi və ya cümə günü gün ərzində ilk dəfə ictimai nəqliyyatda öz “Mastercard”ı ilə ödəniş edən zaman kartının balansından heç bir vəsait silinmir. Kampaniya həmin gün eyni kart ilə ikinci gedişə şamil olunmur, yəni növbəti gedişlər üçün kartın balansından gediş haqqı silinir.

Xatırladaq ki, layihə çərçivəsində nəqliyyatda nağdsız ödənişlərin dəstəklənməsi üçün bütün zəruri infrastruktur yaradılıb. Belə ki, Şamaxı ictimai nəqliyyatında avtobuslarda nağdsız ödəniş etməyə imkan verən yeni nəsil validatorlar quraşdırılıb. Həmçinin, “inkart” kartlarını dəstəkləyən vendinq avadanlıqları quraşdırılıb və avadanlıqların fasiləsiz fəaliyyətinin təmin edilməsi üçün bütün zəruri tədbirlər görülüb. Qeyd olunan avadanlıqlar müştərilərə həm yeni “inkart” kartı əldə etməyə, həm də əldə edilmiş kartların balansını yoxlamağa və istənilən zaman (7/24) artırmağa imkan yaradır.

Eyni zamanda www.inkart.az saytı da istifadəçilərin ixtiyarına verilib və sayt vasitəsilə müştərilər layihə ilə bağlı zəruri məlumatları əldə etməklə yanaşı “inkart” kartlarının balansını da artırmaq imkanı əldə ediblər.

Müştərilər həmçinin “inkart” mobil tətbiqindən də istifadə edə və kartlarını 24/7 əsasda idarə edə bilərlər. Mobil tətbiq istifadəçilərə asanlıqla yeni kart əlavə etmək və ya mövcud kartı silmək, kartı bloka salmaq və ya blokdan çıxarmaq, ödəniş tarixçəsini izləmək, kart balansını artırmaq və kartdan karta pul köçürmək imkanı yaradır. Tətbiqi rus və ingilis dillərində istifadə etmək mümkündür.

 ““Mastercard” on ildən artıqdır yenilikçi şəhər hərəkəti üçün həllər hazırlayır və tranzit təcrübələrini dəyişdirir. 250-dən çox şəhəri təmassız tranzit həlləri ilə hərəkətdə saxlayırıq.

Tranzit Əməkdaşlıq Proqramı çərçivəsində şəhər hərəkəti mütəxəsisləri ilə əməkdaşlıq edirik, insanları getmək istədikləri yerə təhlükəsiz və rahat bir şəkildə aparan həll yollarını tezləşdiririk, gələcək perspektivli tranzit infrastrukturuna maliyyə təşəbbüslərini müəyyənləşdiririk və daha geniş şəhər rəqəmsallaşdırılmasının əsasının qoyuruq. Beləliklə, Şamaxı əhalisi avtobusda rahat gediş üçün sadəcə öz təmassız kredit, debit və əvvəlcədən ödənilmiş “Mastercard” və “Maestro” kartlarını, həmçinin təmassız ödənişi dəstəkləyən mobil telefonlarını istifadə edə bilər, həm də həftədə iki dəfə pulsuz”, deyə “Mastercard”ın Azərbaycan üzrə Ölkə Meneceri Erdem Çakar qeyd edib.

“Bildiyiniz kimi, ötən ilin avqust ayında Dövlət bankı “Azər Türk Bank”, AR Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi və “Mastercard” beynəlxalq ödəniş sistemi Şamaxı şəhərində ölkədə ilk dəfə olaraq ictimai nəqliyyatda nağdsız ödənişlərin qəbulunu təmin etdi və bu məqsədlə bütün zəruri infrastruktur yaradıldı. Layihəyə marağı artırmaq və nəqliyyatda nağdsız ödənişləri stimullaşdırmaq məqsədilə layihə çərçivəsində həmçinin kampaniyaya da start verilib. Belə ki, 8 fevral tarixindən etibarən həftənin bazar ertəsi və cümə günləri istənilən “Mastercard”, “Maestro” kart və “inkart” kart sahibləri üçün Şamaxı şəhəri daxilində sərnişin avtobuslarının xidmətindən istifadə zamanı ilk gediş ödənişsiz olacaqdır. Daha ətraflı məlumat www.inkart.az səhifəsində əldə oluna bilər”, deyə “Azər Türk Bank”ın Ödəniş Kartları Departamentinin Direktoru Namid Abdulov bildirib. 

“Mastercard” haqqında (NYSE: MA), www.mastercard.com 

“Mastercard” ödəniş sənayesində fəaliyyət göstərən qlobal bir texnologiya şirkətidir. Bizim missiyamız tranzaksiyaları daha təhlükəsiz, sadə, ağıllı və əlçatan etməklə hər kəsə hər yerdə faydalı olan əhatəli, rəqəmsal iqtisadiyyat yaratmaq və onu gücləndirməkdir. Təhlükəsiz məlumatlar, şəbəkələr və tərəfdaşlıqlardan istifadə edərək bizim innovasiya və həllərimiz fərdlərə, maliyyə institutlarına, hökümətlərə və şirkətlərə özlərinin ən böyük potensialını reallaşdırmaqda kömək edir. Bizim nizam-intizam əmsalımız bizim mədəniyyətimizə və şirkət daxilində və xaricində gördüyümüz hər bir işə stimul verir. Biz 210-dan çox ölkə və bölgədəki bağlantılarımızla hər kəs üçün qiymətsiz imkanlar açan dayanıqlı bir dünya qururuq. 

Cahangir Novruz


Oxşar xəbərlər