USD : 1.7000 EUR : 2.0551 ARS : 0.0191 TRY : 0.2435

Səsgücləndiricilərin içərisində psixotrop maddə və narkotik vasitə aşkarlandı - FOTO


  • Ölkə,
  • 4 ay əvvəl əlavə olunub,
  • 1039 dəfə oxunub
Səsgücləndiricilərin içərisində psixotrop maddə və narkotik vasitə aşkarlandı - FOTO

Hava Nəqliyyatında Baş Gömrük İdarəsinin əməkdaşları narkotik vasitələrin və psixotrop maddələrin qaçaqmalçılıq yolu ilə ölkə ərazisinə gətirilməsi cəhdinin qarşısını alıblar.

Bu barədə Dövlət Gömrük Komitəsindən məlumat verilib. 

Bildirilib ki, İstanbul-Bakı aviareysi ilə gələn Azərbaycan Respublikası vətəndaşına məxsus çamadan Heydər Əliyev Beynəlxalq Hava Limanında rentgen aparatından keçirilərkən monitorda şübhəli təsvirlər müşahidə olunub.

Yoxlama zamanı çamadanda olan şəxsi əşyaların arasındakı iki ədəd səsgücləndiricinin içərisində gömrük nəzarətindən gizlədilən, ümumilikdə 4 ədəd şəffaf polietilen bükümdə ümumi çəkisi 302 qram olan 1000 ədəd MDMA (metilendioksimetamfetamin) psixotrop maddə və çəkisi 89,679 qram olan narkotik vasitə olan kokain aşkar edilib.

Xatırladaq ki, MDMA (metilendioksimetamfetamin) “Azərbaycan Respublikasının ərazisində dövriyyəsi qadağan edilən psixotrop maddələrin I Siyahısı”na daxildir və onun təsiredici maddəsinin ümumi miqdarı 145 qramdır.

Faktla bağlı araşdırma aparılır.



Oxşar xəbərlər